Siku Lantegia
Janztearen inguruan, moda diseinuan eta dekorazioan birpentsatzeko tokia. Gure ideiak sortzeko, eraldatzeko eta proiektatzeko sortu eta ekoizteko gunea, baita modaren industriari buruzko gogoetak egiteko tokia.
Espazio zabala dugu, joskintzarako makinekin horniturik; puntada zuzeneko makina industrialak, overlock industriala, gaineztagailu industriala, ehunak mozteko mahaia, lisatzeko ekipoa, errematxatzeko makina, etxeko makinak, binilo-ebakitzailea eta bero-xafla…
Zure ideiak gauzatzeko, formak mozteko, fantasiak josteko eta material berriak probatzeko tokia da.
Joskintza tailerra
Saio kopurua: 4
Iraupena: 10 ordu (2.30 ordu/astero)
Prezioa: 80€ + (15€-ko matrikula)*
Deskripzioa
Tailer honen bidez, moda diseinuaren oinarrizko kontzeptuak irakatsi nahi dizkizuegu. Bestelako praktikak proposatzen ditugu josgintzako hainbat eremutara hurbilduz eta teknika ezberdinak ezagutuz. Hainbat esperimentazio metodologiatan ere sartuko gara ideia sortzaileak garatzeko talde barruan sortzen diren beharrei erantzunez.
Ikasleei ehungintzako proiektu pertsonalak sortzeko eta garatzeko gaitasun tekniko eta sortzaileak eman nahi dizkiegu, bai tailerrean, bai tailerretik kanpo. Baliabide hori ezagutzeak aukera emango digu gure baliabideak zabaltzeko eta jantzi bakoitzaren atzean dagoen lana ulertzeko.
Edukia
- Josteko teknikak dituen koadernoa (oinarrizko josturak, tolesturak, zimurrak, etab.).
- Ehunak aztertu, ulertu eta manipulatzea.
- Esperimentazio-, konponketa- eta kustomizazio-ariketak.
- Hastapen-proiektuak: Tote bag edo “klaserako poltsa”, gona eta poloa.
- Aurreratuen proiektuak: jaka, galtzak, soinekoa.
- Ikasle aurreratuentzat, proiektu pertsonaletan laguntza.